Wednesday, 22 March 2017

သဇင်နှာမသို့ပီးစာ

-------------------------------------------------------------

ကာင်းကင်မိုးယံအောက်လူ့ပြည်မာ ရိုးမတောင်တန်းအနောက်ဖတ်
လေးရပ်ဝတီလခြမ်းမြီမာ
တောရွာသျှေတရွာမာ
အချေကပင်
အတူးစားအတူလား
ကြင်နာယုယမြတ်နိုးခြင်းတိနန့်
ချစ်ကမ္ဘာဆီသို့နှစ်ဦးသားခရီးဆက်ခဂတ်ယင့်။

အရွယ်ရောက်လို့
အသိပညာဗဟုသုတတိ
မောင်ကြီးသျှင်ရင်ထည်းသို့ဆစ်ရောက်ပါလတ်ရေခါ
မောင်ကြီးသျှင်စိုင်းစားကြည့်ဖြစ်တေ
မောင်ကြီးသျှင်ရို့ရေရခိုင်လူမျိုး
ရခိုင်သမိုင်းကပီးရေသင်္ခန်းစာတိကိုလှန်ကြည့်လိုက်ရေခါ
ရခိုင်အစမာရယုမင်းမြတ်က
ဘီစီ(၃၃၂၅)ခုကပင်
စတင်တေဆောက်ခရေတိုင်းပြည်
အချုပ်အခြာအာဏာပိုင်ဆိုင်ရေ
ရခိုင်နိုင်ဂံတော်တခုဖြစ်ပြီကေ
ပျော်သျှင်ကြေနူးစရာကောင်းရေ
ရခိုင်နိုင်ဂံတော်ကြီးဝိုင်းဝမ်းတူညီစွာ
တေဆောက်ခဂတ်တေ။

ဧးဂုအခါ ရခိုင်ပြည်ကြီးရေ
ကျွန်ဘဝမှာနှစ်မြုတ်နီရရေ
ဖိုးဖီဇူဇာပိုင်ဆိုင်ရေ
ရခိုင်ရို့၏မွီးရာပါအမွှီးနှစ်တိကို
ပြန်လေ့ရယူဖို့အတွက်
မောင်ကြီးသျှင်ပိုင်ရေ
မောင်ကြီးသျှင်၏အသက်နန့်ခန္ဓာကို
ရခိုင်လူမျိုးရို့၏အနာဂတ်နိုင်ဂံရီးအတွက်
ပီးဆက်ဘာရစီ ချစ်နှာမ သဇင်သျှေ ။

သဇင်နှာမကို
မောင်ကြီးသျှင်
ချစ်ပါရေ မြတ်နိုးပါရေ ယုယပါရေ သနားပါရေ ကြင်နာပါရေ
မောင်ကြီးသျှင်အချစ်စွာ
ဧးကမ္ဘာလောကမြီပြင်ကြီးမာ
ပိုင်းဖြတ်လို့ မရသော်လေးသို့
ရခိုင်ရို့၏နိုင်ဂံရီးနည်းဗျူဟာတိနန့်ခြုံကြည့်လိုက်ရေခါ
အချစ်ကိုတန်ဖို့မထားတက်ခစွာ
မောင်ကြီးသျှင်အပြိုတ်မဟုတ်ရပါ
မောင်ကြီးသျှင်ရို့ရခိုင်လူမျိုးစွာ
ကျွန်ဘဝကလွတ်မြှောက်လာဖို့အတွက်
ချစ်သော်သဇင်နှာမနန့်
ကိုယ့်ရပ်
ကိုယ့်ရွာ
ကိုယ့်ဒေသကိုစွန့်ခွါ
တောတောင်မြီမာခိုလုံလားရေအတွက်
မောင်ကြီးသျှင်ကို
သဇင်နှာမခွင်းလွတ်နားလေပီးစီချင်ပါရေ ။

ရာသီကပူ လိူင်းလုံးကအူ
လီရူးတိုက်ဖြူး ဥသြကျူးပျာ
ရွက်ကြွီတခေါက် တန်းခူးရောက်သော်
နီမင်းတသွင် "က"ကြိုးဆင်လို့
မောင်ကြီးသျှင်က ဖရန် ခူး
သဇင်နှာမ ဖရန် ကုံး
အလှသာရေ မိုးထက်ဖတ်သျှေမာ
ပျော်ရွှင်ကြည်နူး ချစ်ရေလူပျာ
ကျကန်းပင်အောက် အိုသျှေ ကဇာတ်ခစွာကို
သတိရပါရေ
တမ်းတပါရေ
လွမ်းရပါရေ
အောက်မိန်းပါရေ
လခြမ်းမြီနန့်ချစ်သောသဇင်သျှေ ။

တနိ့နိ့
မောင်ကြီးသျှင်ယုံကြည်ရေ
ရခိုင်ရို့၏လွတ်လတ်တေတနိ့ကျကေ
သဇင်နှာမပန်းအလှနန့်
ဆီးကြိုနီလီနန့် ။

ခိုင်မင်း(ဦးရာဇ်မြီ)